"राजकारण"

 "राजकारण"

       आता राजकारण सोडा

       साऱ्यांनी विठ्ठलाशी नाते जोडा

         राजकारणी, एकाच माळेचे मणी

         एकाच विषयावर, धुतात धुणी//१//

राजकारण दिशाहीन झाले

आम जनतेचे मात्र, नुकसान झाले

असो कोणताही, पक्ष संघटना

"राजकारण"नाही मतलबा विना //२//

सोसणारे सोसतात, पोसणारे पोसतात

पाहून मजा हसणारे, रिकामे हसतात

जननेता फक्त नावाला असतो

गरीब कार्यकर्ता, मात्र प्रचाराला फसतो//३//

आपण आपले, रहावे नीट

विठ्ठला भेटावे, करून पायपीट

होतो शपथ विधी वेळी अवेळी

विचित्र वाटते राजकारणाची खेळी//४//

मनधरणी केली जाते कुणाची

माहिती हवी असते क्षणा क्षणाची

खुर्चीची लालसा, सुटत नाही कधी

बरी होत नाही राजकारणाची व्याधी //५//

  कवी: जनार्दन बाळा गोरे औरंगाबाद.

@जनार्दन.

        आपलाच कवी मित्र

जनार्दन बाळा गोरे औरंगाबाद.