"आशेची मनपाखरे"
"आशेची मनपाखरे"
आशेची मनपाखरे,उडती दाहीदिशा
कुठे मिळतोआसरा कुठे होतो हशा
कधी शब्दांचा लाभतो गोड गोडवा,
मनास कधी तोच लागतो कडवा //१//
मनपाखरे आशेची, पाहे वाटा सुखाच्या
हिंडून फिरून येती दरीत काळोखाच्या
सुन्दर स्वप्नांच्या दुनियेत रमून पाखरं
जुन्या नव्या आठवणी करतं साजरं //२//
वादळ वाऱ्याची, नसे तमा पाखरांना
दमुन भागून सोसती अवघड यातना
सागराच्या लाटेसम जगणं हे पाखरांच
किनारी धाव, करून सोनं अपेक्षांचं//३//
मनपाखरांची सभा, मनाच्या अंधारात
घेण्या उंच भरारी मन अंतरात
दुनियेच्या मोहजालात अडकती बिचारे
स्वतःच स्वतःशी लढती मन पाखरे //४//
दिनांक:१९/०५/२०२२
कवी/लेखक/विचारवंत
जनार्दन बाळा गोरे औरंगाबाद.
@जनार्दन.
Comments
Post a Comment