"मातृभूमी"

         मातृभूमी

मातृभूमी साठीच जन्मले

ते झाले महान,थोर

सोसल्या खूप यातना

होता पारतंत्र्याचा घोर//१//

     मातृभूमीला सलाम केला

     तिच्या सेवेत होऊन लीन

     लढले स्वातंत्र्यासाठी खूप

     जुलूम अन्याय सोसून //२//

मातृभूमीशी राखून ईमान

त्यांचे विचार हटले नाही मागे

प्राण पणाला लावून लढले

दान दिले जीवन अवघे. //३//

      मातृभूमीला श्रेष्ठ मानून

      तिच्यासाठी तुरुंगवासही भोगला

      रक्षण करण्या मातृभूमीचे

     महापुरुषांनी देहही त्यागला//४//

मातृभूमीस केले प्रथम वंदन

रचला इतिहास मोठ्या कार्याचा

गेले महान होऊन जगात

ठसा उमटविला आपल्या कर्तृत्वाचा//५//

कवी: जनार्दन बाळा गोरे

औरंगाबाद.

दिनांक २३/०७/२०२०.

विषय: जीवन

कसे वर्णावे सार जीवनाचे

जीवन कधी सुखाचे कधी दुःखाचे

कधी जीवनात सुखांची जत्रा

कधी वाढतो संकटांचा खत्रा//१//

आत्म ज्ञान जीवनात मिळते

आयुष्य एका वळणावर थांबते

वाटा सुखाच्या शोधताना पुढच्या

दिशा बदलतात आपल्या मनाच्या//२//

स्वप्ने पळवतात  माणसाला सदा

पळता, पळता वाढते मनाची द्विधा

जगताना जीवन, घडते बरेच काही

हाती थोडे अन् व्यर्थ जाते खुप काही//३//

जीवनाची बिकट वाट संपत नाही

माणसाला स्वप्नांचा थाट मिळत नाही

कळत नाही जीवनाचा अर्थ कुणाला

जगतो माणूस लावून प्राण पणाला //४//

जीवन आशेवर जगतो माणूस

कधी तुपाशी कधी उपाशी असतो माणूस

नकारात्मक विचार पाठ सोडत नाही

माणसाला हवे ते कधी मिळत नाही//५//

कवी: जनार्दन बाळा गोरे

औरंगाबाद.

@जनार्दन