"पहाट"

"पहाट"

नवी पहाट, नवी वाट

घेऊन आली, रम्य प्रभा

गोड लागते, ऊब थोडीशी

रवि किरणे, वाढविती शोभा//१//

दवबिंदूत न्हाली सारी धरणी

किलबिलाट एकाहून एक सरस

जागली पक्ष्यांची कोकिळा राणी

कुहू, कुहु गात रम्य गाणी. //२//

नयनरम्य दृश्य मनोहारी भासते

स्वच्छंद आभाळ सारे खुलते

निसर्गाची किमया, दिसतें न्यारी

बंद कळीतून , फुल फुलते //३//

रान वेली, झाडे झूडपे

सारेच कसे, नवे दिसतें

प्रसन्न होते,धरणी सारी

स्वागत जणू, पहाटेचं करते//४//

कवी: जनार्दन बाळा गोरे

कवितेच्या जगात