"आभाळा"
"आभाळा"
आभाळा का छळतोस सकळा
थांब आतातरी येऊ दे कळवळा
हैराण झाले प्राणीमात्र सारे
वाहून चालले संसार पसारे//१//
बुडीत झाले बरेच क्षेत्र
संकटाने ओले केले नेत्र
"आभाळा"आवर संताप आता
तुच दाता तुच विधाता //२//
पाहवेना दैना दीन दुखितांची
येऊ दे दया साऱ्या प्राणिमात्रांची
वेळी अवेळी असा बरसू नको
राबत्या हाताला घरात बसवू नको//३//
कवी: जनार्दन बाळा गोरे औरंगाबाद.
©®
@जनार्दन
Comments
Post a Comment