"प्रभात समयी"
"प्रभात समयी"
प्रभात समयी, दाटता धुके
दिसते भुरके, रान सारे
पाना,पानांवर,दवबिंदू शोभा
जणु मोती नयनांना भासणारे//१//
निरव शांतता,असते सर्वत्र
चालते सत्र ऋतु नुसार
धरणी माय छान वाटते
करते भरजरी छान शृंगार//२//
खळखळ वाहते झऱ्याचे पाणी
गात मधूर,मंजुळ गाणी
घननिळा बरसे घेऊन जलधारा
हर्ष दाटतो साऱ्यांच्या मनी //३//
प्रभात समयी, रमणीय सारे
मंद, मंद वाहती वारे
प्रसन्न वाटते,वातावरण सारे
येतात भरून ढग बरसणारे //४//
दिनांक २४/०८/२०२१
कवी: जनार्दन बाळा गोरे औरंगाबाद.
@जनार्दन.
Comments
Post a Comment