"पाऊस"

" पाऊस"

हल्ली पावसाची राहिली नाही हमी

पाऊस पडतो कुठे जास्त तर कुठे कमी

पावसाविना चालत नाही काही

पाण्याविना हांबरतात गोठ्यातल्या गाई//१//

माणूस तर माणूस, प्राणीही आहेत हैराण

नाही प्यायला पाणी, नाही खायला वैरण

नदी नाले सारे आटले

प्राणी सारे पळत सुटले//२//

पाऊस लहरीपणाने वागतो

भलत्याच दिशेला स्वच्छंद बरसतो

त्याची मर्जी तो चालवितो

वाट सर्वांना पाहायला लावतो//३//

येईल का पाऊस ढगभरून

जाईल कधी नदीला पाणी भरून

जेंव्हा होईल स्वच्छंद बरसात

तेंव्हा होईल आनंदाला सुरुवात//४//

कवी जनार्दन बाळा गोरे औरंगाबाद