आशा"
जगताना माणूस आयुष्य
आशेवरच जगत असतो
कधी सोनेरी स्वप्ने मनाशी
कधी काटेरी दुःखे सोसतो//१//
भविष्याची चिंता सतावते
जगताना जीवन माणसाला
क्षण आनंदाचे पाहण्यासाठी
झोकून देतो संकटात स्वतःला//२//
जीवन एक आशा असते
उद्याचे भवितव्य पाहण्यासाठी
सोसून अपयशाचे भयाण निखारे
करतो धडपड माणूस जगण्यासाठी//३//
दूर आसतात सुखाच्या वाटा
आशेच्या दिशेनं धावणाऱ्या लाटा
काय लिहिलं आहे भाळी?
निनादेल कधी आनंदाची भूपाळी//४//
दिनांक:21/05/2021
कवी:जनार्दन बाळा गोरे औरंगाबाद.
8956663540
@जनार्दन
Comments
Post a Comment